Música e Cultura de Galicia comezou no mes de xaneiro un novo curso
musical de carácter anual, nas instalacións do Instituto de Ensino Secundario
da Farixa.
O curso comprende linguaxe musical, música e
movemento, práctica instrumental nas especialidades de frauta, óboe, clarinete,
fagot, saxofón, trompeta, trompa, trombón, bombardino, tuba, percusión,
guitarra, gaita e pandeireta. As actividades de conxunto abarcan grupos de
cámara, guitarras, majorettes, charangas, cantareiras, coro infantil, así como
bandas de gaitas, de educandos e de música. As clases e ensaios lévanse a cabo
os venres, de 16 a 22 h., e os sábados, de 9 a 14 e de 16,30 a
20 h.
Este curso
musical conta co patrocinio da Deputación Provincial de Ourense e coa
colaboración da Consellería de Educación e Ordenación Universitaria. As clases
e actividades que nel se levan a cabo teñen carácter provincial e van dirixidas
a tódolos interesados en iniciarse na música e a todos aqueles que tendo xa
experiencia na práctica instrumental queiran integrarse na dinámica e
estructura de Música e Cultura de Galicia.
